പ്രിയ സംവിധായകന്‍ സച്ചിയുടെ വിയോഗത്തില്‍ വിലപിക്കുകയാണ് സിനിമാലോകവും സിനിമാപ്രേമികളുമെല്ലാം.
സച്ചി ആദ്യമായി സംവിധാനം ചെയ്ത ചിത്രം ‘അനാര്‍ക്കലി’യുടെ തിരക്കഥ മോഷണം പോയ സംഭവമാണ് സോഷ്യല്‍ മീഡിയയില്‍ ഇപ്പോള്‍ ചര്‍ച്ചയാകുന്നത്.
കൊച്ചിയില്‍ നിര്‍ത്തിയിട്ട വാഹനത്തില്‍ നിന്നും അനാര്‍ക്കലിയുടെ തിരക്കഥ അടങ്ങുന്ന ബാഗ് കാണാതാവുകയായിരുന്നു.
ആദ്യമായി സംവിധാനം ചെയ്യാനിരുന്ന ചിത്രത്തിന്റെ തിരക്കഥ നഷ്ടപ്പെട്ടതോടെ അദ്ദേഹം ആകെ തളര്‍ന്നു. തിരക്കഥയുടെ കോപ്പിയും അദ്ദേഹത്തിന്റെ കൈയ്യില്‍ ഉണ്ടായിരുന്നില്ല.
എന്നാല്‍ തിരുവനന്തപുരത്തു നിന്നും തിരക്കഥ അടങ്ങിയ ബാഗ് സച്ചിക്ക് തിരികെ ലഭിച്ചു. ബാഗിലെ മറ്റു സാധനങ്ങളെല്ലാം മോഷ്ടിച്ച് തിരക്കഥ മാത്രം തിരിച്ചു വയ്ക്കുകയായിരുന്നു. അന്ന് തന്റെ ബാഗ് മോഷ്ടിച്ച കള്ളന് അദ്ദേഹം നന്ദി പറയുകയും ചെയ്തു.
പൃഥ്വിരാജ്, ബിജുമേനോന്‍,പ്രിയാല്‍ ഗോര്‍ തുടങ്ങിയവര്‍ പ്രധാന കഥാപാത്രത്തെ അവതരിപ്പിച്ച അനാര്‍ക്കലി മലയാള സിനിമയിലെ തന്നെ എക്കാലത്തെയും മികച്ച ഒരു പ്രണയചിത്രമായി മാറി.
